వినాయక చవితిని పురస్కరించుకొని మట్టి వినాయక విగ్రహాల వినియోగంపై అవగాహన నిమిత్తం పాఠశాల ప్రధానోపాధ్యాయులు కోట సూర్య వెంకట విశ్వేశ్వర ప్రసాద్ ఆధ్వర్యంలో జీవశాస్త్ర ఉపాధ్యాయులు పి. గంగా భవాని, బి. ఎం. గోపాల రెడ్డి ల సారధ్యంలో విద్యార్థులకు మట్టి వినాయక విగ్రహాల పోటీ ఏర్పాటు చేశారు. ఈ పోటీలో విజేతలకు మట్టి వినాయక ప్రతిమలను బహుమతులుగా అందిస్తూ ప్రధానోపాధ్యాయులు మట్టి వినాయక విగ్రహాలనే ఎందుకు వాడాలో, ప్లాస్టర్ ఆఫ్ ప్యారిస్ విగ్రహాల వల్ల జల వనరులు ఎలా కలుషితమవుతున్నాయో వివరించారు.
జీవ శాస్త్ర ఉపాధ్యాయుడు బియ్యం గోపాలరెడ్డి
” ప్లాస్టర్ ఆఫ్ ప్యారిస్ వద్దు – పెరట్లో మట్టే ముద్దు”
” ఆయిల్ పెయింట్స్ వద్దు – పసుపు కుంకుమ చాలు “
” మట్టి గణపతిని పూజిద్దాం – పర్యావరణాన్ని పరిరక్షిద్దాం “
మొదలగు నినాదాలు చేయించారు.
ఈ కార్యక్రమంలో కె. పుల్లారెడ్డి, జె. రాజకుమారి, జి. సుధారాణి, డివిఎస్ మారుతిరామ్, ఎస్.రామకృష్ణ, పి.డి. వెంకటేశ్వరరావు, జె. బుచ్చియ్య, ఎం. ఎన్. పుష్పవల్లి, పి. పావని, వి. బాల సరస్వతి తదితరులు పాల్గొన్నారు.
