ఈనెల 8, 9 తేదీల్లో ప్రత్యేక కార్యక్రమాల్లో పాల్గొనున్న ఎమ్మెల్యే
తణుకు ఎమ్మెల్యే ఆరిమిల్లి రాధాకృష్ణ న్యూజిలాండ్ పర్యటనలో ఉన్నారు. బుధవారం ఉదయం ఆయన న్యూజిలాండ్ ఎయిర్పోర్టుకు చేరుకోగా, ప్రవాస ఆంధ్రులు ఘనంగా స్వాగతం పలికారు. మద్దుకూరి దిలీప్, గోరంటాల అశోక్, నిమ్మగడ్డ జితేంద్ర, గారపాటి మమత తదితరులు ఎమ్మెల్యేను కలిసిన వారిలో ఉన్నారు. ఈ సందర్భంగా ఆయన తణుకు నియోజకవర్గంలో, రాష్ట్రంలో జరుగుతున్న పరిస్థితులను వారికి వివరించారు. న్యూజిలాండ్ పర్యటనలో భాగంగా ఎమ్మెల్యే రాధాకృష్ణ ఈ నెల 8, 9 తేదీల్లో జరిగే ప్రత్యేక కార్యక్రమాల్లో పాల్గొంటారు. ఈనెల 8న మన ఆంధ్ర తెలుగు అసోసియేషన్ (మాట)ఆధ్వర్యంలో జరిగే కార్యక్రమంలో ముఖ్యఅతిథిగా పాల్గొంటారు. ఈ నెల 9న తెలుగుదేశం పార్టీ న్యూజిలాండ్ విభాగం ఆధ్వర్యంలో జరిగే సమావేశంలో ఎమ్మెల్యే రాధాకృష్ణ పాల్గొని మాట్లాడుతారు.
