జిల్లాలో 2,35,031 మంది లబ్ధిదారులకు రూ.103.17 కోట్ల మేర పంపిణీకి ఏర్పాట్లు
- కలెక్టర్ కీర్తి చేకూరి
జిల్లా వ్యాప్తంగా ఎన్టీఆర్ భరోసా సామాజిక భద్రత పెన్షన్ పంపిణీ కోసం అన్ని ఏర్పాట్లు పూర్తయ్యాయని జిల్లా కలెక్టర్ కీర్తి చేకూరి శుక్రవారం ఒక ప్రకటనలో తెలిపారు.
నవంబర్ 1వ తేదీ ఉదయం నుంచే గ్రామ, వార్డు సచివాలయాల ద్వారా అర్హులైన లబ్ధిదారులకు పెరిగిన రేటుతో పెన్షన్ల పంపిణీ ప్రారంభమవు తుందని తెలియ చేశారు. వృద్ధాప్యులు, వితంతువులు, నేతకార్మికులు, మత్స్యకారులు, ఒంటరి మహిళలు, దప్పు కళాకారులు, ట్రాన్స్జెండర్లు, వికలాంగులు తదితర విభాగాలకు పెన్షన్లు రూ.3,000 నుండి రూ.4,000 వరకు పెంచగా, తీవ్రమైన వికలాంగులకు రూ.15,000 వరకు పెంపు అమల్లోకి వస్తుందని వివరించారు. కిడ్నీ, తలసేమియా, సికిల్ సెల్ వ్యాధి బాధితులు, డయాలసిస్ undergoing ఉన్న CKDU రోగులు వంటి దీర్ఘకాలిక వ్యాధులతో బాధపడుతున్న వారికి రూ.10,000 చొప్పున పెన్షన్ మంజూరు చేయబడిందని తెలిపారు.
జిల్లాలో మొత్తం 2,35,031 మంది లబ్ధిదారులకు రూ.103.17 కోట్ల పెన్షన్ మొత్తాన్ని పంపిణీ చేయనున్నట్లు కలెక్టర్ తెలిపారు. ప్రతి లబ్ధిదారుడికి న్యాయంగా, పారదర్శకంగా పెన్షన్ అందేలా అధికారులు పర్యవేక్షణ చేస్తారని, ఏవైనా సమస్యలు తలెత్తితే వెంటనే సమాచారం అందించాలని సూచించారు.
జిల్లా వ్యాప్తంగా అర్హులైన లబ్ధిదారులకు నవంబర్ 1 శనివారం ఉదయం నుంచే ప్రతి లబ్ధిదారుడికి ఇంటి వద్దనే పెన్షన్ అందేలా 4,975 మంది పెన్షన్ పంపిణీ అధికారులు తలపెట్టిన విధంగా సమన్వయంతో పని చేస్తారు” అని పేర్కొన్నారు. ప్రజా ప్రతినిధులు, అధికారులు సమక్షంలో క్షేత్ర స్థాయిలో పెన్షన్ పంపిణీ కార్యక్రమం ను నిర్వహిస్తున్నట్లు తెలిపారు.
